बिरगंज, फागुन १७ भगवान कुर्मी
नेकपा(एमाले)को पार्टी सुदृढीकरण तथा विस्तार अभियान`मिसन ग्रासरुट'अन्तर्गत पकहाँमैनपुर गाउँपालिका वडा नं १ र २मा आज वडा स्तरिय अभिमुखीकरण कार्यक्रम सम्पन्न भएको छ ।
नेकपा एमाले मधेस प्रदेश कमिटी सदस्य तेजप्रकाश निषादको प्रमुख अतिथ्यमा सम्पन्न कार्यक्रममा बिभिन्न प्रस्ताव माथि छलफल गर्दै चैत मसान्तसम्म सम्पुर्ण सक्रिय सदस्य लगायत पार्टी प्रवेश गरेका नव प्रवेशिहरुलाई सदस्यता नविकरण तथा नयाँ सदस्यता लिने निर्णय गरिएको हो।
यसै गरि पकहाँमैनपुर गाउँपालिका वडा नं ५ मा पनि वडा स्तरियअभिमुखीकरण कार्यक्रम सम्पन्न भएको छ ।वडा कमिटीका अध्यक्ष रामबाबु प्र चौरसियाको अध्यक्षतामा सम्पन्न कार्यक्रममा बिभिन्न प्रस्ताव माथि छलफल गर्दै नेकपा एमाले निकट(ओ बि सी)महासंघका वडा कमिटीका संयोजकमा पपु चौरसिया, किसान संघको संयोजकमा मुनिलाल ठाकुर, महिला संघको संयोजकमा रिंकु चौरसिया, युवा संघको संयोजकमा सुढु चौरसिया, र दलित संघको संयोजकमा सम्भोलि हाजरा चयन भएका छन्।
कार्यक्रममा नेकपा एमाले मधेस प्रदेश कमिटी सदस्य बिजय चौरसिया, जिल्ला सदस्य बिकास पान्डे, गाउँपालिका कमिटी अध्यक्ष अकलेश कुमार साह, सदस्य गाया चौहान, दिनानाथ चौहान, मान्सा साह,नेता हमिद मिया,जाहुल हक अंसारी, रामबाबु चौरसिया, मदन साह कानु, बलिस्टर सहनि, लगायतको उपस्थिति रहेको थियो।
