बीरगंज । पर्साको जगरनाथपुर गाउँपालिकाले ११ औं गाँउ सभा सम्पन्न गरेको छ । गाउँपालिका अध्यक्ष श्रीकान्त प्रसाद यादवको अध्यक्षता गाँउ सभा सम्पन्न भएको हो ।
सभामा नेपाली कांग्रेस पर्साका सभापति जर्नादन सिंह क्षेत्री र प्रदेश सभाका सासद शंकर चौधरीले सभाको सफलताको शुभकामना ब्यक्त गरेका थिए । गाउँपालिकाले आगामी आर्थिक वर्ष २०८१र०८२ को लागि ४४ करोड ३४ लाख २३ लाख र ५ सय रुपैया बराबरको बजेट प्रस्तुत गरेको छ ।
भौतिक पूर्वाधार तथा बिकासमा ३ करोड ९० लाख, आर्थिक बिकास अन्तर्गत कृषि तथा पशु बिकासका लागि ९९ लाख रुपैया बजेट बिनियोजन गरिएको छ ।
त्यस्तै सामाजिक बिकासतर्फ शिक्षामा २ करोड ७० लाख, स्वास्थ्यमा ९२ लाख, खानेपानी तथा सिँचाईमा १ करोड ८४ लाख, खेलकुदमा ३७ लाख, लैङ्गिक समानता, सामाजिक समावेशीकरण तथा सामाजिक सुरक्षामा ५८ लाख, वन तथा विपद् व्यवस्थापनमा ३८ लाख, सोलार बत्ती बिजुली जडानमा ८५ लाख रुपैया बिनियोजन गरिएको छ ।
त्यस्तै मठ मन्दिर, मस्जिद साँस्कृतिक सम्पदा जगेर्नामा ३ करोड ९ लाख, कार्यालय संचालन तथा प्रशासनिक खर्च तथा कर्मचारीको तलब भत्ता १० करोड ८८ लाख बिनियोजन गरिएको छ ।
सरकारलको सशर्त चालु १५ करोड ८४ लाख, नेपाल सरकारको पुँजीगत खर्च ९० लाख, नेपाल सरकारको समपुरक अनुदान २० लाख, नेपाल सरकारको विशेष अनुदान ५० लाख, प्रदेश सरकारको समपुरक अनुदान २० लाख, प्रदेश सरकारको विशेष अनुदान ३० लाख गरि ४४ करोड ३४ लाख २३ हजार ५ सय रुपैयाँ विनियोजन गरिएको हो ।
गाउँपालिका अध्यक्ष यादवले आगामी आर्थिक वर्षको नीति तथा कार्यक्रम र बजेट प्रस्तुति गर्दै पालिकाका सबै वडामा सजिलै आउजाउ गर्न रिंग रोड तथा १५ शय्याको अस्पतालको निर्माण जस्ता ठूला योजना ल्याउने बताए । सभामा प्रमुख प्रशासकिय अधिकृत कृष्णनन्दन राय, वडाध्यक्षहरु लक्ष्मी साह तेली, नेपाली प्रसाद कुशवाहा, सुभाष कुमार यादव, प्रभुनाथ प्रसाद नुनिया, बिहारी महतो नुनिया, अयोध्या प्रसाद कुर्मी, गा।पा का वडा सचिव, कर्मचारी, शिक्षक, बुद्धिजीवीहरुको सहभागिता रहेको थियो ।
