काठमाडौँ, १७ चैत
कृषि तथा पशुपंक्षी विकासमन्त्री ज्वालाकुमारी साहले राज्यले कृषि क्षेत्र र कृषकलाई कुनैपनि बहानामा उपेक्षा नगर्ने प्रतिवद्धता व्यक्त गरेकी छन् । शनिवार चितवनमा सुरु भएको नेपाल उद्योग परिसंघअन्तर्गतको महिला नेतृत्व फोरम ९सीएनआइडब्लुएलएफ० को आयोजनामा प्रथम प्रादेशिक महिला नेतृत्व कृषि सम्मेलनमा बोल्दै उनले यस्तो बताएकी हुन्।
राज्यले कृषि क्षेत्र र कृषकलाई कुनैपनि बहानामा उपेक्षा गर्दैन स् मन्त्री साह
उनले कृषि क्षेत्रमा रहेका महिलाहरुको आम सुरक्षा, मर्यादित एवं सम्मानित कृषि उद्यमशिलताको प्रत्याभुति गर्न निरन्तर लागिरहने प्रतिवद्धता व्यक्त गरिन् । उनले कृषि क्षेत्रको विकासमा लैङ्गिक उत्तरदायी बजेटको व्यवस्था गर्दै महिलाहरुको समस्या समाधानमा लाग्नुपर्ने बताए ।
उनले कृषिमा नविनता, दिगोपन र उद्यमशिलताका विषयमा कृषि क्षेत्रका परिवर्तनकारी क्षेत्रमा निर्माण र कार्यान्वयनमा विज्ञहरुको निरन्तर सल्लाह, सुझाव र सहयोगको अपेक्षा गरे । उनले कृषि तथा पशुपंक्षी विकास मन्त्रालयमार्फत् महिलामैत्री कृषिकरण उपलब्धताको सुनिश्चिततासँगै महिलाहरुबाट सञ्चालित कृषि सहकारी, समूह, कृषि फार्महरुको विकासको लागि मन्त्रालयको विभिन्न कार्यक्रमहरु सञ्चालन गरिरहेको बताए ।
‘कृषि क्षेत्रमा रहेका महिला दिदीबहिनीहरुको आमसुरक्षा, मर्यादित एवं सम्मानित कृषि उद्यमशिलताको प्रत्याभुति गर्न निरन्तर लागिरहने प्रतिवद्धता व्यक्त गर्दछु । कृषि क्षेत्रको विकासमा लैङ्गिक उत्तरदायी बजेटको व्यवस्था गर्दै महिला दिदीबहिनीको समस्या समाधानमा लाग्नु मेरो कर्तव्य हो भन्नेमा म सचेत छु,ु उनले भनिन् ।
मन्त्री साहले कृषिलाई प्राथमिकता दिने, उत्पादन बढाउने, खपत बढाउनुपर्ने विषयमा आफू पूर्ण सहमत रहेको बताए। उनले आर्थिक विकासको लागि स्वदेशी उत्पादन एवं उपभोग बढाउन आवश्यक जोड दिने पनि बताइन् । साभार कान्तिपुर
