वीरगन्ज ,१२ फागुन ।
नेकपा एमालेका अध्यक्ष तथा पुर्वप्रधानमन्त्री केपी शर्मा ओलीको ७३ औं जन्मदिन केक काटेर शुक्रबार मनाईएको छ ।
वीरगन्जको घण्टाघर चोकमा नेपाल खेलकुद महासंघ पर्साको आयोजनामा अध्यक्ष ओलीको ७३ औं जन्मदिन मनाईएको हो ।
नेकपा खेलकुद महासंघ पर्साका सचिव सन्दीप बस्नेतको अध्यक्षतामा भएको कार्यक्रममा बोल्दै नेपाल खेलकुद महासंघका स्थायी कमिटी सदस्य रामकिशोर सिंह ( पराग) ले केपी ओलीको जन्मदिनको अवसरमा सु–स्वास्थ्य तथा दिर्घायूको हार्दिक शुभकामना व्यक्त गर्नुभएको छ’, ।
वीरगन्ज महानगरपालिका २० का वडा अध्यक्ष समेत सिंहले एमालेका अध्यक्ष ओलीले जन नेताको रूपमा स्थापित नेता रहेकोे बताए ।
अध्यक्ष ओली २०८० फागुन ११ गतेबाट ७३ वर्ष प्रवेश गरेका छन् ।
कार्यक्रममा अखिल नेपाल पिछडाबर्ग (OBC)महासंघका केन्द्रिय उपाध्यक्ष अकलेश साह , प्रेस चौतारी पर्साका अध्यक्ष तुलसी भण्डारी , अनेरास्ववियुका केन्द्रिय सदस्य रेयाज अन्सारी , नेपाल खेलकुद महासंघका केन्द्रिय सदस्य राजाबाबु रौनियार , वीरगन्ज महानगरका सहसचिव अमन पटेल , एमालेका नेता अंगद गुप्ता ,मेराजुल हवारी ,जेयाद अन्सारी ,सगिर अहमद ,मन्जर मिया लगायतका नेताहरुको उपस्थिति रहेकोे थियो ।
