रौतहट, ७ फागुन
नेकपा एमालेका सचिब योगेश भट्टराईले नेपाली कांग्रेसले आफनो इतिहास कोल्याप्स गरिसकेको बताएका छन ।
सोमबार रौतहटको गरुडामा आयोजित नेकपा एमालेको १० औ जिल्ला अधिवेशनबाट निर्वाचित पदाधिकारी तथा सदस्यहरुको सपथ ग्रहण कार्यक्रमा सचिब भट्टराईले यस्तो बताएका हुन ।
कांग्रेसले आफनो सिद्धान्तलाइ तिलान्जली दिएर नेकपा एमालेलाइ रोक्न खोजेको सचिब भट्टराईले बताए । बिचार नमिल्ने माओबादी तथा मधेशबादी संग गठबन्धन गरेर कांग्रेसले आफनो अस्तीत्व सकेको सचिब भट्टराईको भनाइ थियो ।
चुनाब पछि सरकार बनाउन गठबन्धन गर्नु स्वभाबिक हो तर एमालेलाइ छेक्नुपर्छ भनेर कसम खाएर सिद्धन्त नमिल्ने संग गठबन्धन गर्नु राम्रो नभएको उनले बताए ।
नेकपा एमाले सबैको पार्टी भएको बताउदै सचिब भट्टराईले अब संगठनलाइ अझ बलियो बनाएर लाग्न कार्यकर्ताहरुलाइ आग्रह गरे ।
रौतहटको मौलापुर नगरपालिकाको मेयरलाइ इगित गदै सचिब भट्टराइले भने ‘एमालेबाट चुनाब जितेका जनप्रतिनिधिहरु अलग पार्टीमा क्रियाशिल छन, त्यो सर्वोच्च अदालतले देखेन,सर्बोच्चको आखा यहा सम्म पुगेको छैन ,राजनीतिक दल सम्बन्धी ऐनमा कुनै पनि दलको चुनाब चिल्ह लिएर जितेका जनप्रतिनिधि अर्को दलमा जान्छ भने सो पद स्वत जान्छ’पार्टीलाइ कमजोर बनाउदा लोकतन्त्र बलियो नहुने उनको भनाइ थियो ।
चुनाबमा पार्टीलाइ प्रयोग गर्ने,पार्टीबाट सार्वजनिक पद धारण गर्ने अनि अर्को पार्टीमा सक्रिय हुनेको पद खारेज गर्नुपर्ने भट्टराईको भनाइ थियो ।
कार्यक्रममा नेकपा एमालेका पोलिटब्युरो सदस्य तथा रौतहट इन्चार्ज पुरुषोत्तम पौडेलले अब रौतहटमा नेकपा एमाले पहिलो नम्बरको पार्टी बन्ने ठोकुवा गरेका थिए ।
यस्तै नेकपा एमालेका केन्द्रिय सदस्य उद्धब रेग्मी,अजय गुप्ता र रेखा झाले पनि नव निर्वाचित जिल्ला कमिटिका पदाधिकारी तथा सदस्यहरुलाइ शुभकामना दिएका थिए । गत माघ २९ गते सम्पन्न जिल्ला अधिवेशनबाट सचितानन्द साह अध्यक्षमा उपाध्यक्षमा रुपेश पटेल सचिबमा बाबुराम दाहाल लगायत ११७ जना निर्वाचित भएको थियो ।
